疫情期间，
大家除咗返工放工之外，
其他非必要嘅外出
基本上都可免则免啦~
不过日日喺屋企
对住四面墙，
真係好易闷到发毛；
係屋企嘅宠物，
焗住留室内困兽斗，
都一样好恶顶噶！
出名精力旺盛嘅汪星人，
平时就最中意落街四围行，
出去多走动下，
主人同汪星人
身体都会fit啲。
狗仔有机会畀佢哋放电，
消耗多余嘅精力，
喺屋企嘅破坏力都细啲！
（如果佢哋回气得冇咁快嘅话）
But！
而家想日日困住喺屋企，
冇得落街识新朋友都算了。
连想带佢哋去宠物美容店
冲翻个靓凉，执翻个靓样，
好似唔係咁稳阵...
时间耐咗，
原本毛发蓬松、
睇落精灵过人嘅汪星人，
啲毛塌晒都唔再讲，
耐唔梳洗嘅话，
仲会有异味散出添啊！
各位铲屎官，
见到自己嘅心肝椗走晒样，
就梗係周身唔聚财啦~
呢个时候，
铲屎官不妨试下亲自落手，
自己帮佢哋冲翻个靓凉啦！
而家市面好多宠物清洁用品
再唔係名不经传嘅杂牌
汪汪同喵喵用嘅产品
分分钟同你用嘅护肤品
会係同一个牌子！
Kiehl's
拥抱宠物系列
科颜氏嘅清洁面膜
就係唔少靓女中意嘅护肤品
其实佢哋喺狗仔清洁方面，
都有一手噶！
呢个专为汪星人而设嘅清洁用品，
同科颜氏其他产品一样，
都係主打天然~
好似佢哋嘅沐浴乳、柔顺乳，
都添加咗洋甘菊提取物。
攞嚟帮狗仔冲凉，
毛发即时柔顺晒，
仲有淡淡嘅薰衣草味渗出~
怕麻烦唔想掂水？
呢款毛发清洁喷雾
就好帮到手，喷一喷，
毛发扁塌、散发异味嘅问题
通通搞掂晒！
Aesop
宠物清洁沐浴露
呢款包装简约嘅沐浴露，
同样都係主打天然无刺激，
各位铲屎官如果唔怕攰，
帮心肝椗冲凉嘅时候
仲可以加翻啲“马*鸡”噶~
喺味道上，
佢哋都好低调，
用嘅係淡淡然嘅木质香，
闻落就够晒治愈了。
帮狗仔冲完凉，
自己对手都香喷喷啊~
Bondi Wash
白千层&柠檬草狗狗洁毛精
木质香唔啱心水？
呢款同样係澳洲出产嘅
狗狗清洁剂，
混合白千层同柠檬草，
味道就够晒新奇啦！
而且白千层有防虫抗菌嘅功效，
冲完凉嘅汪星人
就算即时落街走两转，
都一样冇有怕啦~
John Paul pet
燕麦抗敏洗发水
呢个牌子嘅宠物清洁用品
简直係选择困难症嘅*手，
佢哋因应汪星人嘅肤质
以及毛发情况，
分咗超多类别！
其中最受欢迎嘅就係
敏感肌都适用嘅燕麦系列啦！
成分嘅选择上，
佢哋就采用咗植物精油，
狗仔用完就唔惊会唔舒服啦~
介绍咗咁多款汪星人
啱使嘅清洁用品之后，
有冇边款啱你心水噶？
无论用边一款产品都好，
用完记得要冲洗干净啊，
咪时残留係汪星人皮肤上面，
好容易引发皮肤病噶！
洗完白白之后，
吹干都唔好太心急啊，
记得拣暖风吹，
汪星人就唔识讲热定唔热，
唔留心啲温度，
真係好易烫伤噶！
各位铲屎官一于亲自落手，
喺屋企帮狗仔梳洗扮靓，
迟下等广州嘅疫情好转，
拖住佢落街行，
至sharp醒嘅仲唔係你同佢？
资料来源：微博、品牌官网
互联网综合整理
编辑：彭琳
*文中图片版权归原作者所有，如有问题，请与原作者联系
扫描下方二维码
进入可乐生活小店
▼
海鲜包送到屋企
你都可以做厨神
▼
羊城晚报报业集团旗下优秀生活类媒体可乐生活Color，度身打造专属广州人的吃喝玩乐指南，潮流风向标资讯。
