作为年度爆款综艺，
尽管《披荆斩棘的哥哥》
已经收官一段时间啦，
依然余热不减。
当然亦要归功于芒果台
没有放过“售后营业”的好机会，
接连打造《大湾仔的夜》
同《我们的滚烫人生》，
无缝延续哥哥们的热度。
不过相比起
准备略仓促嘅《大湾仔的夜》，
《我们的滚烫人生》无论是
立意、文案、后期剪辑等
都更为精致、用心。
作为一套明星职场体验综艺，
《我们的滚烫人生》
在职业的选择上相当有睇头。
第一站就选咗热血嘅消防员，
既係大众所熟知嘅职业，
但实质工作内容又令人好奇。
三日两夜嘅体验看似短暂，
但在节目组嘅精心编排下，
一班哥哥嘅体验泪点、笑弹齐飞，
简直丰富到可以单拎出嚟
自成一套节目！
3期节目中，
哥哥们既感受咗站军姿、早操、
内务整理等军事化管理，
又体验咗火场救人、取戒指、
负重进山等社会救援类训练。
而且体验内容极真实，
好似佢哋都会为
唔知如何叠豆腐块而烦恼，
甚至为咗唔整乱张被，
训觉盖衫唔盖被……
网友都话：似足自己军训嗰样！
面对陈小春、张智霖等
几位“高龄老人”，
教官一啲唔放水，
尤其作为班长嘅张晋
屡屡因队员过失被罚，
所以消防员呢个单元
又被戏谑为“张晋受难记”。
虽然节目通过好多形式去
展现消防员嘅辛苦，
但亦冇将呢个职业神化，
训练之外亦十分注重刻画
佢哋作为普通人嘅一面，
呢种高质量嘅群像记录
令到节目加分唔少。
正係因为
体验内容够真实，
所释放嘅正能量同感情
都格外令人动容。
最后嘅毕业典礼上，
一众哥哥都被感动到猛男落泪，
连一向佛系嘅大仙
都忍唔住眼红红。
陈小春更係一度
被站长寄语
感动到泣不成声。
除咗职场体验嘅主线，
每一站哥哥们仲会策划
一场主题音乐live，
满足翻想听歌嘅朋友仔添。
听日上线嘅最新一期，
一班哥哥将开启乡村教师站，
不过最识冧细路嘅奶爸李承铉
就因工作冲突而缺席，
唔知剩低的哥哥们
搞唔搞得掂班细蚊仔咧？
之后佢哋仲会开启飞行员、特警、
法律援助等唔同职业嘅体验。
其实伴随住去年
选秀被叫停、音综表现乏力，
以往被视为“小众类型”嘅
综艺节目开始发力。
翻看2022年的综艺片单，
职场综艺就係
暗中发力嘅重要一员。
一般嚟讲，职场综艺有“纯求职”、
“明星体验”、“职场观察”几类。
在今年热播或待播嘅节目单里，
职场观察类综艺仍然係
比较吃香的话题主力军，
“老兵节目”就有好几部，
例如开启医生季嘅
《令人心动的offer3》↓
聚焦重返职场的妈妈群体
《上班啦！妈妈2》↓
新节目有《你好外交官》、
《心灵捕手》等，
可以睇见各平台目前
都係主打安全牌，
选择大众眼中的“好工作”。
招募百里挑一嘅精英群体。
而明星体验类亦多数
从职业嘅选择上做文章，
其中“消防员”係今年嘅大热，
除咗上面提到嘅
《我们的滚烫人生》，
仲有爱奇艺嘅《王牌救援队》
腾讯嘅《一往无前的蓝》
（原名：《无所不能的蓝》）
芒果的《无名英雄》则
选择辅警作为切入点，
希望以接地气一啲嚟取胜。
除咗不断挖掘话题性高嘅职业，
亦有节目想在内容形式上另辟蹊径。
好似腾讯视频筹备紧嘅
《学会营》就係一个新尝试，
让明星去学习各类技术，
都算係明星体验职场嘅变种。
据悉由于制作定位为非S级，
最终嘉宾多数以小爱豆为主。
下岗爱豆“上技校”，
学汽修、烹饪再就业，
好唔好睇另计，
反正新鲜感爆灯！
你最期待明星体验咩职业？
你最睇好边类职场综艺？
欢迎留言同我哋分享吖~
MORE
今日娱乐看点
《超越》官宣定档
电视剧《超越》
正式官宣定档1月9日，
将作为央视开年大剧
登陆央视一套20:00黄金档，
爱奇艺、腾讯视频、优酷
同步播出！
王嘉尔“重磅”走红毯
近日王嘉尔身着
闪钻西装亮相时尚先生红毯，
工作室曝西装重达40斤，
果然帅气嘅重量唔係
人人都能负担。
刘德华易烊千玺梦幻合作
文牧野导演的春节档
新片《奇迹》官宣主题曲
由刘德华、易烊千玺联合献唱，
并于明天上午10点上线！
目前歌名暂未公布，
神秘感拉满~
资料来源：综艺截图、微博、豆瓣
网络信息综合整理
编辑：陈祉伶
*文中图片版权归原作者所有，
如涉及侵权请联系，立即删除
扫描下方二维码订阅
【微店】可乐生活小店
【淘宝】羊晚生活馆
【邮政】中国邮政微邮局
▼
>>>
一次过get可乐报详细内容
羊城晚报报业集团旗下优秀生活类媒体可乐生活Color，度身打造专属广州人的吃喝玩乐指南，潮流风向标资讯。
