提起国内长做长有嘅老牌综艺，
《最强大脑》都算係拥有姓名，
唔经唔觉，
第9季都已经官宣到货！
呢档大型脑力竞技真人秀，
自2014年起一年一会，
靠住花哩花碌嘅测试考题，
同高智商大神之间的热血battle，
都吸引咗唔少粉丝年年追更。
虽然近几年嘅节目
因主创团队更换、黑幕传闻等
各种原因惹来唔少争议，
不过依然有好多人争住上去玩一玩。
连当年尚未成家嘅赌王仔何猷君
都去过节目兜咗一转镀金添。
不过节目做得耐，
难免陷入审美疲劳嘅瓶颈期，
加上近两年嘅节目疯狂掉分，
今年嘅《最强大脑9》痛定思痛，
搞咗唔少新动作。
首先係参赛选手减半压缩至42人，
对选手人设塑造变得更有针对性，
有利于帮助观众更快速地
记住呢班素人选手以及
融入到节目所设定嘅故事线中。
虽然大家都觉得综艺有剧本唔好，
但其实合理地打造故事线
确係帮一套综艺增加看点嘅好办法。
常见嘅炒cp、改个霸气嘅花名
加花字特效引导氛围等
其实都係帮嘉宾立人设，
为节目增加记忆点。
人数大幅减少，竞争冇咁激烈？
选手参赛门槛就要更高啦
有来自名牌高校嘅各路学霸
参战为学校争光。
又有职场精英突破自我
嚟挑机巅峰状态嘅学子们。
其中比较令人关注嘅係
“网络人气选手”梯队，
包括去年天梯排名top1
因学业退赛嘅朱科祺 。
往届女脑王有力竞争选手，
担任过《最强大脑》出题人嘅
蔡洋洋
除咗往届“意难平”选手，
呢个梯队中仲有
因恋综《喜欢你我也是》圈粉嘅刘问
浙大头号搞笑博主陈娴
以及粉丝超五百万的Adam陈老丝
佢哋毕业院校都几有睇头！
另外，常驻嘅明星观察员
有王耀庆、郭麒麟、呼兰，
呢三位都係出名转数快、口才正，
活跃气氛同观点输出都唔使愁。
飞行嘉宾方面暂未官宣，
但睇翻以往嘅嘉宾阵容，
都几舍得落本，
白敬亭、李宇春、张若昀、
谢霆锋等都有上嚟玩过。
喺赛制方面，
今季会推出“时间规划局”特别企划，
打造双轨制、天使轮、点位排名、
时间密室、时间剧本、全时之战等
“不明觉厉”嘅全新玩法，
相信比起往年更加刺激热血！
资料来源：微博、豆瓣
网络信息综合整理
编辑：陈祉伶
*文中图片版权归原作者所有，
如涉及侵权请联系，立即删除
扫描下方二维码订阅
【微店】可乐生活小店
【淘宝】羊晚生活馆
【邮政】中国邮政微邮局
▼
>>>
一次过get可乐报详细内容
羊城晚报报业集团旗下优秀生活类媒体可乐生活Color，度身打造专属广州人的吃喝玩乐指南，潮流风向标资讯。
