老实讲深圳土生土长嘅我，并唔钟意香港，总喺偏见哋觉得香港同香港人都好吵，巴巴闭闭。
睇香港电视长大嘅我，对香港嘅地名似乎都好熟，就喺冇想去嘅冲动，唔知点解。
直到我偶然看到有一篇“香港昔日嘅鲍鱼岛”嘅文章，先至令我有一丝去嘅兴趣。喺乜令我想去？当然就喺鲍鱼啦，仲幻想喺塔门岛潜水摸只野生鲍鱼，并喺岛上嘅海鲜餐厅加工后美味地品尝……
平日船票18元港币，算喺良心价
哈哈！就因呢个不切实际谂法，于是带上浮潜装备，搭上着去塔门岛嘅渡轮。
呢就喺塔门嘅第一印象，同想象一样就喺条渔村仔。
远处睇塔门岛，周围都喺石头，果然适合鲍鱼生长。今日嘅海水都算靓。渔村啲屋老实讲好旧，同繁荣巴闭嘅香港大都市有啲格格不入。但，算喺别有风情。
家家户户门前就喺海，都有只快艇，标准嘅渔村配置。
风景？麻麻哋啦，普通海景而已。
塔门码头就喺咁个样啦！
我哋9：30就到着塔门了，有啲早。但已经有人喺码头钓鱼了，今日人唔多，码头上就显得格外悠闲，第一感觉都几好。
咁早又喺平日，唯一一间开嘅餐厅。
入呢间餐厅吃早餐坐低后，急不及待问老细依家有冇鲍鱼呀？
老细答讲：“三十年前大把，依家好多年都无睇到了”，我当堂有啲头晕，叼拿星吖，居然无鲍鱼。
“老细，我带着潜水装备来，准备潜水摸只鲍鱼，有冇可能摸到呢？”，我问餐厅老细。
“你依家落水，给你24粒钟，摸到一只我话你好野”，餐厅老细答。
唉！真喺晕，想讲粗口。
离岛嘛，呢到食嘢当然有啲贵
既来之则安之，冇就冇啦，随即叫着碟鲜鱿炒河粉、一碗姜汁豆腐花、一件西多士，但老实讲真喺好难食……。
吃完，就随便行下。
码头右手边条村仔，好多屋冧着，烂蓉蓉，天后宝楼最新。
塔门只有三条村仔，喺街坊、漁民新村、榕樹村。三条村都好细，显得都有啲颓废。
三条村仔加上观景台、草坪、行山路仔，一路上野草野花同埋雀仔乱叫，讲得上鸟语花香，但一个钟行完，其他亦冇乜特别。
依家冇人耕田，到处都喺牛同牛屎。
行到颈渴，係士多买着支“紫贝水”，呢个岛嘅自制凉茶，15蚊港币一支，酸酸甜甜都几好饮。
士多一个婆婆喺到卖嘢，随即同婆婆倾吓偈。
婆婆一个人守候，冇离开岛去市区生活
婆婆话：“以前我个女细路仔过时候，每日都可以摸1、2斤鲍鱼，真系好多。后来深圳大鹏啲水鬼晚上过来潜水摸，冚唪唥摸埋，依家一只都冇……”，婆婆讲起来似乎有啲伤感。
挂在士多门前的鲍鱼壳的确好大，有成个头咁大。
喺塔门岛行着个几钟，已经冇乜好行了。于是选择离开去黄石转车到西贡。
昔日嘅鲍鱼岛，鲍鱼绝迹着了，最后只剩低几个鲍鱼壳，小小唏嘘，小小无奈，时代的变迁估计亦无可奈何。
但愿不久嘅将来，此岛回复鲍鱼岛的美名吧。
小小伤感嘅婆婆
声明：小文和照片未经许可不得转载或其他使用（分享除外），一经发现请付2万元的使用费。
