中秋假、国庆假
夹埋有10天！
咁多日你只想宅家？
唔好咁闷啦，
同朋友一齐运动下先健康嘎！
而家要去运动，
唔一定要喺烈日当空之下。
今期color就带你体验
当下最潮嘅玩乐方式，
运动、娱乐、健身、
高科技游戏体验集于一体
重点係，全部室内可以体验
完全避开外头的热浪~
go、go、go！
Sport Monster 运动萌兽
Sports Monster （运动萌兽），
係韩系体育主题嘅室内运动场。
19年11月23日喺北京开咗全国首店，
去年9月就喺广州开咗全国第二门店
整家店足足有3146㎡大，
层高15米！
一共有四大主题区，
分别係基础运动区、活力运动区、
挑战运动区、数码运动区，
加埋有30 刺激好玩嘅运动项目！
下面color带大家睇下究竟有咩好玩！
运动手环监测你心跳！
玩家入场都会配一个运动手环，
会全程监测步数和心率，
当你结束离场嘅时候
就会收到一份监测报告。
数码区
哩个区集齐咗各种高科技，
将VR等完美运用到运动项目中，
又刺激又好玩。
VR滑翔、摩托车
山谷中穿梭飞翔嘅机会边度有？
哩度！
玩完之后可以翻去同阿妈讲
“阿妈，我晓飞啦！~”
恐高？眩晕？
咁就转战摩托车啦!
一样咁刺激。
其他数码项目
数码棒球
哩度唔同嘅係
玩家担当嘅係投球手！
乒乓爱消除
乒乒乓乓天下无双，
发球姿势要摆好！
数码蹦床
哩个项目简直係燃烧卡路里*手，
玩完之后嗦晒气。
仲有数码冰壶、数码足球、
数码山地自行车车等等精彩项目
基础区
唔好以为基础区就平平无奇，
一样令人眼前一亮。
篮球场
整个场馆中间就係偌大嘅篮球场，
完全唔使担心人太多冇位打波。
射箭
多功能球场、弹力球场、
棒球场等等一应俱全，
啱晒同朋友切磋下球技
活力区
忍者闯关
看似简单嘅闯关其实一啲都唔容易啊！
仲有计时装置，
够晒刺激！
高空蹦床
啱晒啲小朋友喺度疯跑
（再次提醒：一定要注意安全噢~）
气步枪射击
奥运啱结束，
相信大家对哩个项目熟悉又陌生，
啱开始color根本连个靶都不擦边，
后面搵到窍门之后就变身“神枪手”，
开玩笑啦，
大家可以留意现场墙上贴住嘅小贴士，
只要跟足步骤做，
你一样可以係“神枪手”！
飞碟射击
哩个项目係color觉得全场最难嘅，
打来打去都係miss，
但係pose唔可以输！
仲有飞镖、跳舞屋、
狮吼屋等等好玩嘅项目
挑战区
哩个区就精彩啦！
花式攀岩
睇个样就知道有几挑战了，
一定要穿好安全装备噢~
高空速滑
哩度係继融创之后广州第二条室内高空滑索，
绕住整个场馆係高空6米飞行一周，
够晒刺激，
因为速度实在係太快，
原谅color都只能够捕捉到残影。
空中飞人&擎天柱
自己爬上6米高嘅塔顶，
仲要跳出去抱住外面嘅沙包先算成功！
扑空嘅话.....
emmmm谂下都觉得刺激
至于擎天柱就係要好似舞狮咁
一步步登上绿色嘅高柱，
一啲都唔容易！
透明玻璃滑梯
10米高嘅梯道，
角度相当垂直，
滑落去嘅时候
可以感受到明显嘅离心力。
U型滑道
重头戏来了！
唔知大家有无睇过韩综running man，
同款U型滑道就係哩度，
当靠着双手拉住
被吊到约8m最高点嘅时候，
后背係完全离开滑道嘅，
当你放开双手嘅时候，
人就会顺住滑道垂直下落，
肾上腺素飙升，
仲刺激过跳楼机！
仲有萌兽大滑梯、
高空绳索闯关等等项目，
都会有工作人员帮助大家
记得要穿好安全装置
除咗项目刺激好玩之外，
乐园服务亦十分贴心，
有专门的嘅免费储物柜，
存放物品十分方便。
亦有食物休闲区、饮料自动贩卖机，
饿了渴了都可以马上解决。
现场设有医务室，
随时on call。
Sports Monster 运动萌兽
营业时间：10：00-21:00，18:00-21:00（夜场）
地址：广州市天河区黄埔大道东823号居然之家5层
Funcus 集趣
FUNCUS（集趣）
秉持“探索潮玩新世界”嘅理念，
在全球搜罗潮流运动设备
与创新互动体验，
致力于为新生代人群提供一个
充满创意与乐趣嘅运动娱乐空间。
今次color去嘅喺2020年6月开业嘅
嘉禾望岗云悦商场分店，
哩度面积有2000方左右。
哩度係两层楼超大游玩空间嘅“游乐场”！
01
极速卡丁车
鲜艳炫酷嘅配色、充满马力嘅卡丁车，
蜿蜒曲折嘅赛道，
踩尽油门感受速度与激情，
戴上头盔秋名山车神就係你！
02
百步穿杨——射箭
“咻！~”
箭从自己手中嘅弓射出嘅时候，
射箭嘅魅力不言而喻。
射箭区仲分咗几条唔同嘅赛道，
可以根据自己需要去选择。
开始之前会有工作人员指导戴护臂和手套，
亦会简单介绍方法和注意事项，
新手小白上手话咁易！
03
全息保龄球
同传统嘅保龄球唔同，
哩度采用全息技术，
快速回球，
将球滚出去嘅瞬间，
压力亦都全部讲拜拜！
04
正中红心——飞镖
飞镖话难唔难，
但话易亦都唔易！
虽然啱开始有啲掌握唔好，
但係多试几次就好了。
团建嘅时候就啱晒成班朋友嚟翻场争霸赛！
05
全垒打！——棒球
想打棒球？
全套设备满足你
连草地和场景都已经准备好。
color第一次接触棒球，
啱开始嘅时候连个球都碰唔到，
玩多几次就慢慢上手了，
当球棒和球碰上“嗙”嘅一声，
手感满分！！！
简直玩到上晒瘾！
玩攰咗点办？
饮翻杯柠檬茶叹下先
Funcus集趣
营业时间：周一至周日 10:00—22:00
地址：百顺南路云门NEW PARK云悦商场L3
（地铁嘉禾望岗A口步行870m）
Rockin Jump
美式蹦床运动公园
蹦床爱好者一定会中意呢度
各种蹦床的玩法集合！
高空七彩绳网，
啲小朋友玩到不亦乐乎！
小朋友版“笨猪跳”，
但係color仲惊过啲小朋友，
佢哋真係超级大胆！
独木桥挑战！
喺各色蹦床上面飞奔，
简直有轻功水上漂嘅感觉
仲有奥运同款蹦床，
有分儿童区域和成人区域，
飞檐走壁唔成问题！
但係大家要睇清楚现场嘅注意事项，
玩得开心亦要玩得安全。
高空秋千人气爆棚！
下面重头戏来了，
最受欢迎刺激滑道登场！
无论大人定係小朋友，
排晒长龙都係为咗玩多几次，
感受下空中飞人嘅快乐，
失重感满分！
精唔精彩？
刺唔刺激？
负责人就话哩度只係一部分，
佛山店面积更大项目更多，
大家都可以亲身体验下！
Rockin Jump美式蹦床运动公园
营业时间：10:00-22:00
地址：百顺南路云门NEW PARK云悦商城L4层
（地铁嘉禾望岗A口步行870m）
喺如今快节奏嘅社会生活中，
要搵到合适嘅方法解压真係好重要，
睇咗咁多，
唔知大家最心水边个项目呢？
一于搵翻日去体验下啦！
图、文：实习生 陈晓彤
编辑：曾敏妍
*文中图片版权归原作者所有，
如有问题，请与原作者联系
扫描下方二维码
进入可乐生活小店
▼
羊城晚报报业集团旗下优秀生活类媒体可乐生活Color，度身打造专属广州人的吃喝玩乐指南，潮流风向标资讯。
